Triathlonkapping í sokallaða OL teininum

Komandi sunnudag, sunnudagin 29. apríl, skipar Føroya Triathlon Felag fyri triathlonkapping í tí sokallaða OL teininum!

Tað er júst hesin teinur, ið kappast verður á til komandi Oyggjaleikir.

OL teinurin er:

• 1500 metrar svimjing

• 40 kilometrar súkkling

• 10 kilometrar renning

Svomið verður í Svimjihøllini í Gundadali. Súkklað 4 ferðir millum rundkoyringarnar við Svimjihøllina, Skansan og Hvítanesvegin.

Tá skift verður frá súkkling til renning, verður skift við parkeringsøkið við Plantusøluna á Hvítanesvegnum.

Runnið verður vestanfyri Skógrøktini. Málið er á parkeringsplássinum hjá Skógrøktini.

Favorittur at vinna kappingina er uttan iva Guðmundur Joensen, sum seinastu árini hevur vant miðvíst hesa spennandi ítóttargrein. Í næstum skal Guðmundur luttaka í stórari kapping í Lissabon. Tá verður kappast í ½ ironman, tvs. umleið tað dupulta av OL teininum.

Kappingin byrjar kl. 13.00, og luttakarar skulu møta í seinasta lagi kl. 12.30.

Ábyrgd: Kári Simonsen & Evald Rasmussen