Tiltak viðvíkjandi útbúgvingarmøguleikum í USA

Útbugving vestan hav - At lesa í USA: Tiltak týsdagin 24. juli frá kl. 15 - 17.30 í Østrøm.

Í sambandi við, at amerikanska sendikvinnan í Danmark, Laurie S. Fulton, vitjar í Føroyum, verður skipað fyri tiltakinum “Útbugving vestan hav, at lesa í USA” á fabrikkini hjá Østrøm komandi týsdag.

Tað eru MFS, Altjóða Skrivstovan á Fróðskaparsetrinum og Vinnumálaráðið, sum skipa fyri.

Tiltakið verður á fabrikkini hjá Østrøm á Skálatrøð týsdagin 24. juli frá kl. 15 til 17.30.

Skráin er hendan:

* 15.00 Sigurð í Jákupsstovu, rektari á Setrinum, bjóðar vælkomin

* 15:15 Lesandi greiða frá sínum lestrarroyndum í USA

* 15.45 Framløga og spurningar og svar við Laurie S. Fulton, sendikvinnu USA

* 16.30 MFS og tú

* 16.45 Altjóða Skrivstovan á Setrinum greiðir frá praktiskum lestrarviðurskiftum

Tiltakið, sum er á enskum, er ætlað øllum teimum, sum eru áhugað at hoyra um útbúgvingarmøguleikar í USA.