Savna undirskriftir fyri Fámara um alt landið
Stuðlar hjá Rakul og Johan Dalsgaard víðka nú innsavningina av undirskriftum til at fevna um alt landið
Tíðindaskriv
Higartil er innsavning av undirskriftum bert farin fram í Suðuroy og á netinum, men nú hava fólk tikið seg saman og fara at leggja undirskriftirnar út kring alt landið.
Ætlanin er, at undirskriftirnar skulu latast Jacob Vestergaard, landsstýrismanni í landbúnaðarmálum.
Í áheitanini til landsstýrismannin stendur:
Undirritaði tekur undir við, at Johan Dalsgaard festir Fámara. Johan hevur búð í Fámara í trý ár, har hann hevur víst í verki, at hann bæði hevur førleikar, vitan og áræði at dríva festið á ein skilagóðan hátt. Eg vil við mínari undirskrift, stuðla honum í at menna eitt alternativt, landbúnaðar-, ferðavinnu og sosialt tilboð, sum enn er eindømi í Føroyum.
