Eitt ár við koronu Álit og ábyrgd gjørdu munin

14. Mar 2021

Ein ófrættakend kensla búði í reyðu bygningunum í Tinganesi mikukvøldið tann 11. mars 2020. Ein fjáltur fyri tí ókenda. Klokkan nærkaðist midnátt, tá ið vit í landsstýrinum loksins kundu seta okkum at viðgera sera álvarsomu støðuna. Fyri at taka broddin av smittutrýstinum skuldu fleiri víðfevnandi tiltøk setast í verk. Nakrar fáar tímar seinni fóru boðini út til Føroya fólk. Boðskapurin hjá landsstýrinum dagin eftir var einfaldur: Føroyar skuldu niður í ferð.