Fingrarnar vekk frá verkfallsrættinum – Yvirlýsing frá 25 fakfeløgum
Nú løgtingið fer at viðgera nýggja semingslóg, er týdningarmikið, at tingið ikki blandar seg upp í verkfallsrættin. Uppskotið um semingslóg má broytast, tí tað gongur ímóti siðvenju og frælsa samráðingarrættinum á føroyska arbeiðsmarknaðinum.
Arbeiðsgevarar og fakfeløg hava altíð viðurkent, at spurningurin um fráboðanarfreistir í sambandi við verkfall/verkbann er ein samráðingarspurningur. Hetta er galdandi fyri allan arbeiðsmarknaðin.
Fasti Gerðarætturin viðger í løtuni spurningin um ein slík fráboðanarfreist skal galda. Semingslógin leggur seg tískil eisini út í eitt rættarmál um tíðarfreistir hjá Fasta Gerðarrættinum.
Um Løgtingið nú fer at lóggeva um slíkar freistir, so er talan um eina beinleiðis uppílegging í frælsa samráðingarrættin.
Sera fá verkføll hava verið á arbeiðsmarknaðinum í Føroyum, tí partarnir báðir hava kent ábyrgd, og havt ein vilja at loysa tær samráðingartrætur, sum hava stungið seg upp. Blandar løgtingið seg uppí, so verður javnvágin millum samráðingarpartarnar skeiklað.
Tað er óneyðugt at blandað spurningin um Fasta Gerðarrættin upp í semingslógina. Skipanin við Fasta Gerðarættinum er ein avtalað skipan. Hetta hoyrir ikki heima í eini semingslóg.
Undirritaðu feløg heita tískil á løgtingið um at strika greinina um fráboðanarfreistina, og at taka partin um Fasta Gerðarrættin úr lógini.
Við fakfelagskvøðu á altjóða arbeiðaradegnum,
Bioanalytikarafelagið
Ergoterapeutfelagið
Felagið Føroyskir Sjúkrarøktarfrøðingar
Føroya Arbeiðarafelag
Føroya Lærarafelag
Føroya Fiskimannafelag
Føroya Tekniska Lærarafelag
Føroya Pedagogfelag
Fysioterapeutfelagið
Havnar Arbeiðskvinnufelag
Havnar Handverkarafelag
Havnar Arbeiðsmannafelag
Heilsuhjálparafelagið
Heilsurøktarafelagið
Klaksvíkar Arbeiðsmannafelag
Klaksvíkar Arbeiðskvinnufelag
Kost og Føðslufelag Føroya
Landsfelag Handverkaranna
Ljósmøðrafelag Føroya
Maskinmeistarafelagið
Starvsmannafelagið
Starvsfólkafelagið í Bank Nordik
S&K
Yrkisfelagið Miðnám
YTF