Endabrestur í savnsfagnaðinum

Bert tveir dagar eru eftir av Savnsfagnaðinum, sum er opin á fýra søvnum frá kl 11 til 16.

Hópur av børnum og vaksnum hava í heystfrítíðini vitja søvn og upplivað mangt og hvat um vatn í sambandi við, at ST hevur lýst 2013 at vera alheims ár fyri vatn.

Tey vitjandi hava notið pannukøkur og hestaríðing í Útisavninum í Hoyvík, bleikjur og vatnrakettir á Sjósavninum, málað vatnmyndir á Listasavninum og lært um vatngos á Søvnum Landsins í Brekkutúni í Hoyvík, umframt nógv, nógv annað.

Tiltøkini, sum síggjast á SNAR.FO, halda fram í dag og í morgin frá kl 11 til 16.

Útisavnið í Hoyvík, Kúrdalsvegur

Listasavnið í Gundadali

Sjósavnið á Argjum

Tjóðsavnið, Brekkutún 6 í Hoyvík

Skrá yvir Savnsfagnaðin á Snar:http://www.snar.fo/savnsfagnadur