Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Bókin hjá biskupi kemur út í dag

Í dag kemur bókin “Kertur loga stillar løtur” eftir Jógvan Fríðriksson, biskup, út í handlarnar. Hetta eru lestrar, sum biskupur hevur havt á Vágaportalinum seinastu gott 2 árini.

Í dag kemur bókin “Kertur loga stillar løtur” eftir Jógvan Fríðriksson, biskup, út í handlarnar.

Hetta eru lestrar, sum biskupur hevur havt á Vágaportalinum seinastu gott 2 árini, undir tí sum á Vágaportalinum verður rópt Vágaskjáttan.

Í fororðinum til bókina, sigur biskupur millum annað, at tað hevur verið honum ein frægd og gleði at skriva lestrarnar.

- Endamálið er einfalt og tvíliðað: At siga eitt orð um Jesus og vera góður við menniskju.

- Áhugavert er tað, at lestrarnir eru lisnir og hava givið afturljóð. Virðingin fyri lesaranum er stór og endurspeglast í ávísari eyðmýkt yvir fyri uppgávuni, skrivar Jógvan Fríðriksson millum annað í fororðinum til bókina.

"Kertur loga stillar løtur" er knappar 200 blaðsíður og í stívari permu.

Sonni Jacobsen hevur umbrotið bókina og sett permuna upp. Permumyndina hevur myndamaðurin, Jógvan Helgi Hansen, tikið.

Tað er Vágaportalurin, sum gevur bókina út.