BankNordik hækkar rentuna
Tann 6. november 2011 hækkar BankNordik útlánsrentuna hjá privat- og vinnukundum bankans.
Tann 6. november 2011 hækkar BankNordik útlánsrentuna hjá privat- og vinnukundum bankans við 0,5 prosentstigum, tó er hækkingin fyri sethúsalán 0,35 prosentstig.
Orsøkin til rentubroytingina er hækkandi kostnaðir á fíggjarmarknaðunum og øktar útreiðslur í sambandi við herd krøv og reglur frá myndugleikunum.
Rentubroytingarnar verða at síggja á heimasíðuni hjá BankNordik, tá ið tær koma í gildi.
