Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Árligi uttanríkispolitiski fundurin var hildin mikudagin

Dan Klein --- 12.05.2018 - 08:00

Fyrrapartin mikudagin byrjaði árligi fundurin millum uttanríkisráðharrarnar í Danmark og Føroyum, Anders Samuelsen og Poul Michelsen.

Á skránni var føroyska ynskið at broyta uttanríkispolitisku lógina, verju- og trygdarpolitisk viðurskifti, føroyska umsóknin um limaskap í norðurlendska samstarvinum og sínámillum kunning.
Aftaná var tíðindafundur í Tinganesi. 

Eftir tíðindafundin var Anders Samuelsen í Løgtingsins uttanlandsnevnd.

Umframt fundirnar við Poul Michelsen og uttanlandsnevndina hevur Anders Samuelsen eisini tikið lut í ráðstevnuni Arctic Hubs, sum er í Norðurlandahúsinum. 

Hann fór aftur til Danmarkar mikukvøldið.