Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Álit viðvíkjandi klagu um drúgva málsviðgerðartíð hjá Umhvørvisstovuni

Dan Klein --- 09.02.2018 - 06:51

Umboðsmaðurin hevur viðgjørt eina klagu um drúgva málsviðgerðartíð hjá Umhvørvisstovuni av eini umsókn um marknaumskipan. Av tí at gongdin í málinum ikki var nøktandi skjalfest, kundi umboðsmaðurin ikki meta um, í hvønn mun tað vóru umberandi orsøkir til drúgvu málsviðgerðartíðina. 

Umboðsmaðurin helt tað vera alt annað enn nøktandi, at málið framvegis ikki var avgreitt, skjótt 2 ár aftaná, at Umhvørvisstovan hevði móttikið umsóknina.  

Umboðsmaðurin gav Umhvørvisstovuni eina álvarsliga átalu fyri handfaringina av málinum og kunnaði sambært § 10, stk. 1 í umboðsmanslógini formansskapin í Løgtinginum, løgmann og landsstýriskvinnan í Heilsu og innlendismálum um málið. Samstundis var Umhvørvisstovan biðin um at lata umboðsmannin frætta, hvat víðari hendir í málinum. (LUM 17/00081)

Álitið kann lesast her: http://docreader.readspeaker.com/docreader/index.php?jsmode=1&cid=bseku&lang=fo_fo&url=http://www.lum.fo/Admin/Public/DWSDownload.aspx?File=%2fFiles%2fFiler%2flum%2fNidurstodur%2f17_00081-Anonymisera%c3%b0-alit.pdf&referer=http://www.lum.fo/Default.aspx?ID=9746&PID=31386&NewsID=5786&Action=1