Vit sum umboða tað ættarliðið, ið hevur upplivað kríggj, minnast at eitt sindrað Evropa oyðilegði felagsskapir og menniskju í mong ár. Vit minnast somuleiðis menniskjaliga kostnaðin sum var ógvusligur fyri tær milliónir sum vórðu forfylgd og fordrivin undir heimskríggjum. 

Í nýggjari tíð hava vit eisini uppliva streymar av flóttafólki, men er mongdin av teimum, ið flýggja undan kríggi og elendigheit serstakliga stór júst í hesum døgum og nemur tað hjørtuni á okkum øllum.

Soleiðis siga umboð fyri fleiri eldraorganisatiónir, sum júst nú hava havt fund í Danmark. Tilsamans umboðað hesar organisatiónir meira enn 1. mió. pensjónistar í norðurlendsku londunum.

Pensjónista- og eldraorganisatiónir heita tískil á stjórnir og íbúgvar í norðurlondum at taka væl ímóti mongu flóttafólkunum, ið flýggja undan kríggi og vanlukku.

Hetta hava vit skyldu at gera bæði av medmenniskjaligum ávum og tí vit búgva í vælferðarsamfeløgum, sum bæði hava ráð- og skyldu – til at hjálpa fólki í neyð, siga norðurlendsku pensjónista- og eldrafeløgini.

Vit heita á allar limir í pensjónista- og eldrafeløgum at vera aktiv á lokalplani, soleiðis at medmenniskju í neyð uppliva medmenniskjaligheit.