F.v. Bjørghild Djurhuus, Tróndur Sigurdsson, Sjúrður Olsen, Halla Samuelsen og Jákup Dam.
Vinnunevndin skipað!
Nýggj nevnd í Tórshavnar kommunu:
Sjúrður Olsen er valdur formaður í nýggju vinnunevndini hjá Tórshavnar kommunu, sum fær nógv mál at umsita og úr at gera.
Nýggja vinnunevndin fær úr at gera, tí nevndin kemur at umsita málsøki sum Tórshavnar havn, smábátahavnir, vinnubygningar og vinnuøki, oljuvinnu, fiskivinnu, ferðavinnu, cruisevinnu, handils- og tænastuvinnu, vinnunýskapan, vinnustrategi og hýruvognsloyvi.
Nevndin hevur nú skipað seg við Sjúrða Olsen sum formanni og Trónda Sigurdssyni sum næstformanni. Hinir nevndarlimirnir eru Halla Samuelsen, Bjørghild Djurhuus og Jákup Dam.
