Jørgen svarar upp á spurning settan upp á kvamsvís av bróðurinum í fólkafloksandanum Bjarna Djurholm. Hví teir ikki tosa um tað mann og mann ímillum, er eyðsæð: svarið skal í bløðini á forsíðu og miðsíðu við tummahøgum yvirskrivtum, helst í Sosialin, sum enn hevur eitt dryss av sannleikaviirði frá gomlum døgum. 

Tí fjalast skal, at sirkus villeiðing skal vindast í gongd, so fjøldin fer at dansa til fólkafloksblindamannadans. Einasti verunleiki er hin høgraradikali sun m.a. tvíheldur um, at ein triðingur av skattgjaldarunum gjalda 82 % av skattinum. T.v.s, tað sama sum, at 2/3 gjalda 18 %

Jørgen og Bjarni siga indirekta, at meðan teirra fólk gjalda gildið, so ganga hini mongu meira ella minni vinstrahallu og smánassa ella direkta nassa upp á samfelagið. Vanvirðisligt. Hetta er at spæla Fana í vón um atkvøður. Men fólkið eigur ikki at lata sær lynda nøkur meira ella minni tilætlað høgraspark. Tí tað eru annars teir og teirra, ið eiga sparkið út í kuldan, tá tann dagurin kemur. Og hann kemur skjótt.

Vildi tú kanska ikki eisini - sum víst verður til í yvirskriftini – heldur goldið 200.000 kr í skatti, og havt 330.000 kr eftir, enn at goldið kr. 6.000 í skatti og einans havt kr. 50.000 eftir?