VESTNORDISK HOVEDSTADSFOND JÁTTAÐ 300.000 KR
Grunnurin Vestnordisk Hovedstadsfond Nuuk, Reykjavík, Tórshavn hevði í gjár sín árliga fund, hesaferð í Norðurlandahúsinum. Grunnurin veitir árliga 300.000 krónur í stuðuli til mentan, undirvísing og ítrótt.
Endamálið við grunninum er at styrkja vitan og samstarv millum borgarar og politikarar í Reykjavík, Tórshavn og Nuuk við at stuðla virksemi innan mentan, undirvísing og ítrótt.
Ognin í grunninum er tann peningur, sum tær tríggjar kommunurnar Reykjavíkar kommuna, Tórshavnar kommuna og Kommuneqarfik Sermersooq á hvørjum ári játta til grunnin. Grunnurin veitir umleið kr. 300 000 í stuðli um árið.
Á fundi mikudagin 23. apríl 2014 í Havn viðgjørdi stýrið umsóknirnar til grunnin, og avgjørt varð at veita til samans kr. 300.000 til 11 av teimum 34 umsóknunum.
Í stýrinum fyri grunnin eru nýggju limir, teir eru borgarstjórin og tveir býráðslimir / kommunustýrislimir úr hvørjari av teimum trimum kommununum:
Tórshavn: Heðin Mortensen, borgarstjóri, Jógvan Arge, varaborgarstjóri, og Elin Lindenskov, 1. varaborgarstjóri.
Reykjavík: Jón Gnarr, borgarstjóri, Dagur B. Eggertsson, býráðsformaður, og Hildur Sverrisdóttir, byráðslimur.
Nuuk: Asii Chemnitz Narup, borgarstjóri, Per Berthelsen, kommunustýrislimur, og Malene Lynge, kommunustýrislimur.** Næsti fundur verður hildin í mai 2015 í Reykjavík.
