Valevni Sjálvstýrisfloksins til Klaksvíkar býráð
Tíðindaskriv:
Norðoya Sjálvstýrisfelag hevði í gjárkvøldið uppstillingarfund til Klaksvíkar býráð og hava higartil fimm valevni játtað at stilla upp.
Valevnini eru, Sven Dahl, orkutøkningur hjá Magn, Beinta Klakstein, leiðari fyri frítíðarskúlan hjá Klaksvíkar kommunu, Rúna Sivertsen, leiðari hjá ABC barnahjálp, Jógvan Skorheim, býráðslimur og løgtingsmaður og Kristian Eli Zachariasen, verkætlanarleiðari hjá Føroya Tele.
Beinta Klakstein er 33 ára gomul og stillar upp fyri fyrstu ferð. Hini valevnini hava øll stillað upp áður.
