Útskiftingin í Uppsalahaga endað
Útskiftingarnevndin, fyri Uppsalahaga í Klaksvík, gjørdi 24. juni úrskurð í málinum. Hagin, ið var 15 ½ mørk, er lagdur sundur í tríggjar hagar, ein ognarhagi og tveir festihagar:
Uppsalahagi 11 merkur, ogn og varðveitur navnið. Festihagarnir eru Heimistovuhagi 2 ½ mørk og Stovugarðshgi 2. merkur.
Innlagt er eitt 12,4 ha stórt øki, 500 m² til gyllina. Økið er á Fløtum og út á Fitjastein. Eigararnir hava tríggjar mánaðir at kæra úrskurðin í. Kærast kann til Yvirutskiftingarnevdina við sorinskrivaranum sum formanni.
Útskiftingarskjølini liggja frammi á Kommunuskrivstovuni, á Umhvørvisstovuni og heimasíðuni us.fo, til kærufreistin er úti.
