Unn leiðari á Húsaumsitingini
Tórshavnar kommuna hevur sett Unn S. Perdomo í starv sum leiðari á Húsaumsitingini.
Unn hevur drúgvar royndir, bæði frá privatu ráðgevaravinnuni, og hevur seinastu árini verið í starvi á Húsaumsitingini hjá Tórshavnar kommunu, og hevur seinastu mánaðirnar virkað sum fyribils leiðari á deildini.
Fremsta uppgávan hjá HÚSAUMSITINGINI er at syrgja fyri, at bygningarnir hjá kommununi verða røktir og umvældir í mun til lógarkrøv og forsvarliga røkt.
Unn S. Perdomo tekur við starvinum beinanvegin.
