Sigrún Mohr, forkvinna í náttúru- og umhvørvisnevndini hjá Tórshavnar kommunu, setti Umhvørvisvikuna 2016 á Vaglinum kl 11 í gjár. Veðrið var sera gott og hópur av fólki varð samankomið.

Bíðirøðin at fáa plantupakkar var sera long. Signar í Homrum sang, Margarinfabrikkin skipaði fyri undirhaldi fyri børnunum, marknaðardagur var í gongugøtuni og í Tinghúsgarðinum, og samstundis var høvið at royna nýggju elsúkklurnar.