Umboðsmaðurin hevur viðgjørt eina klagu um innlit og útbjóðing av tøkniútgerð til nýggja musikkskúlan í Tórshavn. 

Umboðsmaðurin helt ikki, at kommunan hevði grundgivið fyri, hví innlitsumbønin ikki varð svarað  sum skjótast, ella hví innlit varð noktað í ávís skjøl. 

Umboðsmaðurin helt heldur ikki, at gjøgnumskygni var í útbjóðingini, at veitararnir høvdu fingið javnbjóðis møguleika at bjóða, ella at upplýsingarnar í útbjóðingini vóru nøktandi. 

Umboðsmaðurin gav Tórshavnar kommunu eina átalu fyri handfaringina av útbjóðingini, og mælti kommununi til at gera greiðar reglur fyri slíkar útbjóðingar. (LUM 19/00027)