Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Spakin settur í frílendisætlanina Boðanes Hoydalar

Dan Klein --- 18.05.2018 - 09:40

Hósdagin byrjaði arbeiðið við at gera stóru frílendisætlanina í Hoydølum til veruleika. Fyrsti parturin fevnir um eina sonevnda ”megingøtu”, ið skal binda tvær verandi gøtur saman. Hesin parturin er umleið 250 m til longdar.

Tann næsti parturin er ein megingøta, umleið 600 m til longdar, sum gongur yvirum fløtuna í Hoydølum og ígjøgnum ta sonevndu Starabrekkuna. Tá verður eisini gjørd ein nýggj brúgv yvirum Hoydalsá á sama stað, sum ein brúgv var fyri umleið 100 árum síðani.

Tórshavnar kommuna stendur fyri fyrsta partinum av arbeiðinum. Tað er Umhvørvisstovan, ið umsitir frílendið.

Á myndini sæst Marin Kathrina Frýdal, forkvinna í byggi- og býarskipanarnevnd Tórshavnar býráðs, saman við umboðum fyri kommununa og Umhvørvisstovuna.