Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Skúlastjóri í Skúlanum á Fløtum

Dan Klein --- 26.07.2017 - 09:30

Rigmor Dam landsstýriskvinna hevur sett Regin Marnersson í starvið sum skúlastjóra í Skúlanum á Fløtum. Regin er 37 ára gamal og tók læraraprógv á Føroya Læraraskúla í 2005. 

Regin hevur tikið akademi merkonomútbúgving í leiðslu, skeið í persónligari leiðslumenning, stakgrein í verkætlanarleiðslu og er tikin inn á námsfrøðiligu leiðsluútbúgvingina á Setrinum.

Regin hevur starvast í skúlaverkinum í mong ár, sum lærari í Tórshavnar Kommunuskúla frá 2005 til 2012, sum varaskúlastjóri og seinni sum stjóri í Skúlanum á Giljanesi frá 2012 - 2015 og hevur frá 1. mars 2015 verið stjóri í Námi. 

Regin tekur við starvinum sum skúlastjóri í Skúlanum á Fløtum 1. august 2017.