Skráin fyri fjallarenningina “Seyðamaðurin á Sondum” á Vestanstevnu í Sandavági

Nær: Sunnudagin 15. juli 2012 kl. 15.00 til uml. kl. 19.00

Hvar: Møtt verður við skúlan á Giljanesi (miðskeiðis millum Sandavág og Miðvág) kl. 15.00 stundisliga

Tilmelding: Meldað verður til renningina við at gjalda kr. 200 á konto hjá Sandavágs Ítróttarfelag 9181-1255977. Viðmerk gjaldingina: “Fjallarenning” umframt navn og fartelefonnr.

Tilmeldingarfreistin: Tilmeldingarfreistin er hósdagin 12. juli 2012

Skráin:

Kl. 15.00: Rennararnir møta við skúlan á Giljanesi og fáa útflýggjað startnummar. Bussur koyrir síðani rennararnar til Vatnsoyrar.

Frá uml. kl. 16.00: Tyrlan hjá Atlantsflog flýgur rennararnar norður á Fjallavatn.

Kl. 16.30/17.00: Huldukonan við Húsagjógv setur allar rennararnar í gongd samstundis

Kl. 17.30/18.00: Teir fyrstu rennararnir koma væntandi á mál við kirkjuna í Sandavági

Uml. kl. 18.30: Heiðursmerki og vinningar verða handað við kirkjuna í Sandavági. Vinningur verður burturlutaður millum allar rennararnar. Vit sláa ring og kvøða “Seyðamaðurin á Sondum”. Frukt og vatn verður at fáa á málinum

Stutt um renningina

Teinurin er uml. 13 km langur og miðallættur at renna. Runnið verður meginpartin í haganum, og tí mugu rennararnir vera væl skøddir og ílatnir eftir veðrinum.

Vælkomin til fjallarenning á Vestanstevnu

Sandavágs Ítróttarfelag (SÍF)