Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Sjálvstýri á býráðsvalinum

Sjálvstýri, sum kom í eyga á fundinum í løgtingshúsunum annan jóladag 1888,  hevur djúpar røtur í Føroya fólki og stillar upp til býráðsvalið 10. november.

Rætt er sum kirkjubømaðurin Sverri kongur segði: Alvæl ræður Harrin happi. Vit fara til verka, tí tað vit bjóða fer at gagna hvørjum einasta borgara.

Valevni Sjálvstýris til býráðsvalið eru:

Danny Danielsen, Tórshavn
Hallur Hjalgrímsson Djurhuus, Tórshavn
Jákup Hans Heinesen, Tórshavn
Dan Klein, Hoyvík
Hervør Ólafsdóttir Lützen, Tórshavn
Zakarias Wang, Hoyvík.

Vit hava sett okkum fyri

at hvør borgari í kommununi, sum er fyltur 18 ár, sleppur at keypa eitt partabræv í Flatnahaga fyri eina krónu;

at okkara kommuna gongur á odda í interkommunala samstarvinum;

at vit hjálpa tilflytarum at fáa børnum sínum føroyskan samleika;

at vit skapa eitt livandi mentanarumhvørvi við bæriligum tjóðleikhúsi;

at vit eisini skulu hava apotek á Argjum, í Hoyvík og í Kollafirði, og at eitt er opið á nátt;

at vit velja ta grønu kósina, so kommunan framvegis hevur heimsins størsta drunnhvítabøli;

at vit við kommunalum samstarvi bjarga fugli í øllum Føroyum undan rottum;
at vit berjast ímóti innsløddum plantum;
at vit gera fleiri sandstrendur eins og í Sandagerði;

at vit gera gongugøtur fram við bakkanum og millum varðar;

at vit fáa vardar íbúðir til fólk við avbjóðingum;

at vit fáa bíligar lutaíbúðir til eldri;

at vit fáa íbúðir til lesandi eins og í Finsen;

at vit fáa landstreym til skip við kaiirnar;

at vit kunnu ferðast uttan tunnilsgjald;
 
at vit fáa eina skipan við fríari busskoyring í øllum landinum;

at vit fáa fimleikhøll til skúlan í Kaldbak;

at vit fáa hálkubreyt;

at vit fáa eitt stað har møður við pinkubørnum kunnu koma saman.

at vit fáa almennar reglur fyri gongd í haga

at vit fáa eitt inngirt øki í Havn har hundar kunnu ganga

at vit fáa eitt aktivitets- og sansahús

at vit fáa eitt móttøkuhús fyri misbrúkt børn og vaksin

at vit fáa eina endurvenjingarstøð fyri fólk við seinheilaskaða

Vit vita, at her býr eitt gott fólk í einum góðum landi.

Latið okkum saman gera fosturlandið enn betri at búgva í!

Sjálvstýri