Annika Olsen, borgarstjóri, fegnast um, at ein ætlan um at fáa vetrarfriðingina uppá pláss nú fyriliggur, og at hon verður fíggjað í eini langtíðaríløguætlan.

Peningur verður nú settur av til vetrarfriðing av bygdunum í Tórshavnar kommunu.

Í Nólsoy skal endalig avtala gerast við eigararnar av haganum um vetrarfriðing av bygdini. Næstan øll hegningin er liðug og manglar tí bert ísetan av tveimum rulluportrum. Í Kollafirði er vetrarfriðing alneyðug, bæði tá ið hugsað verður um trygd á vegunum og trivnaðinum í bygdini.

Annika Olsen, borgarstjóri, sigur, at tað er sera umráðandi at seyðurin fæst burtur av vegunum, áðrenn ein stór vanlukka hendir. Í uppskoti til  broytingar í fíggjarætlanini fyri 2017 er skotið upp at játta eina miljón til vetrarfriðing.

Málið kemur fyri á býráðsfundi hóskvøldið 27. apríl 2017.