Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Semja millum Maskinmeistarafelagið og Fíggjarmálaráðið

Dan Klein --- 04.06.2018 - 08:15

Semja er í dag undirskrivað millum Fíggjarmálaráðið og Maskinmeistarafelagið fyri tíðarskeiðið frá 1. oktober 2017 til 1. oktober 2019.

Talan er um maskinmeistarar við Strandfaraskipum Landsins, Magnusi Heinason, vaktarskipunum hjá Vørn og maskinmeistarar í almennari tænastu á landi.

Lønin hækkar við 2,3% tann 1. oktober 2017. Tann 1. oktober 2018 verða lønartalvurnar fyri Strandfaraskip Landsins og maskinmeistarar í almennari tænastu á landi broyttar. Fyri maskinmeistarar við Magnus Heinason hækkar lønin 2,5%. Maskinmeistarar við vaktarskipunum hjá Vørn eru tænastumenn, og lønin fylgir avtaluni við Tænastumannafelagið.

Umframt lønarhækkingar og broytingar av lønartalvum eru ymiskar broytingar gjørdar í sáttmálunum, m.a. nýggjar ásetingar um barsil, starvsetan og viðv. dokking uttanlands.

Semjan sæst her: https://d3b1dqw2kzexi.cloudfront.net/media/10895/semja-mf-fmr-2017-2019.pdf