Runavíkar Havn í Miami
Føroyingar eru aftur í ár umboðaðir á stóru cruise-stevnuni í Miami. Umboð frá havnunum í Tórshavn, Klaksvík og Runavík saman við umboðum fyri skipafeløg og túroperatørar komu til Ameriku seinrapartin fríggjadagin. 8 fólk eru í ferðalagnum, og í dag hava tey verið inni í stóru framsýningarhøllini og sett føroyska básin upp.
Týsmorgunin í næstu viku byrjar stevnan og hon heldur fram miku- og hósdagin. Rannvá Troest frá VRG og Tórbjørn Jacobsen, havnameistari, umboða Runavíkar Havn á hesi heimsins størstu cruise-stevnu.
