Roysningurin fjakkar
1. maj 2013 Hesa seinastu vikuna hevur roysningurin verið tveir túrar norðanfyri oyggjarnar. Fyri viku síðan fór hann ein túr fram við norðurendunum á Streymoynni og Eysturoynni. Síðan helt hann út frá, og var 25 fjórðingar norður úr Rivtanga, tá hann vendi við aftur. Og komin inn móti oyggjunum aftur, gekk leiðina aftur vestur á Víkar.
Men so gekk leiðin enn eina ferð út frá aftur, og annan dagin var roysningurin heili 65 fjórðingar í ein útnyrðing úr Mykinesi. So vendi hann aftur, og helt á leið somu kós inn móti landi aftur, og beina kós upp á sandin í Bø. Hesin seinni túrurin norðanfyri vardi tríggjar heilar dagar, og tá hann koma aftur til Bø, hevði hann verið burtur frá Sørvágsfirði í eina góða viku.
Kortið kann takast niður í hægri loysn her:
