Okkara letur upp sølustað hjá Stanley við Norðskála
Tíðindaskriv: Okkara, bryggjaríið á Velbastað, letur í dag kl. 16 upp sølustað við Norðskála við Streymin. Sølustaðið verður rikið í samstarvi við Stanley handilin við Streymin. Snotilig hølir eru innrættaði í suðurendanum á bygninginum. Inngongdin er í suðurendanum á húsunum.
Upplatingartíðirnar verða hesar:
Hósdag frá kl. 16 til 18
Fríggjadag frá kl. 16 til 19 og
Leygardag frá kl. 12 til 14.
Sølustaðið við Norðskála er partur av eini stigvísari menning av sølunetinum hjá Okkara. Ølið hjá bryggjarínum á Velbastað er nú at fáa í Rúsunum kring landið og harumframt hevur bryggjaríið frammanundan depot og útsølur í Vestmanna (Skivan), Tórshavn (Landshandilin), Vági (Torgið), Norðagøtu (PE) og nú eisini við Norðskála (Stanley við Streymin).
