Í okkara valskrá hava vit eisini sett eina kós í sjálvstýrismálum. Vit vilja virka fyri at fáa tað sjálvstýrið, sum vit hava rætt til, tí vilja vit hava, at ein ítøkilig ætlan verður gjørd fyri, hvussu Føroyar stigvíst verða sjálvstøðugar og koma at virka á jøvnum føti við aðrar tjóðir, so hvørt sum fíggjarligu fortreytirnar eru til staðar.

Flokkurin vil altíð vera við til at taka tøk, ið ganga á sjálvstýrisleið, tí brenna vit eisini fyri at fáa útbúgvingar til Føroyar og at tryggja okkum grøna orku, og harvið gerast meiri sjálvveitandi á orkuøkinum.

Vit hava somleiðis gjørt greitt í okkara valskrá, at ein nýggj stjórnarskipan verður gjørd fyri land okkara.

Jógvan Skorheim,