Nýggi skrivarin er 32 ára gomul og ættað av Sandi. Hon hevur eina MA útbúgving í týskum máli og málfrøði (linguistics) frá lærda háskúlanum í Aberdeen og eina MSc í «International Management and Business Communication» frá Heriot Watt University, Edinburgh. Hon hevur millum annað starvsroyndir sum læraravikarur og frá handilsvirksemi í Føroyum.

Seinastu tvey árini hevur Marjun Olsen Lützen verið í fyribils starvi sum skrivari á sendistovu Føroya í Brússel.