Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Nú kunnu øll melda til Vinnudagin 2018

Dan Klein --- 04.09.2018 - 06:41

Fríggjadagin 28. september verður Vinnudagurin, og nú ber til hjá øllum at melda til. Vinnudagurin er altíð vælumtóktur millum føroyskt vinnulívsfólk og tey, sum onkursvegna hava samband við føroysku vinnuna.

Aftur í ár er undirtøkan fyri Vinnudegnum stór. Inntil í dag var einans gjørligt hjá limum í Føroya Arbeiðsgevarafelag og undirfeløgum tess at melda til, men nú er tilmeldingin opin fyri øllum.


Fyrilestrahaldarar á Vinnudegnum 2018 verða Julio Zaguini, fyrrverandi stjóri í Google, Heiða Gunnarsdóttir Nolsøe, stjóri og ein av stovnarunum av DropBucket og Jonne Hellgren, stjóri og ein av stovnarunum av fyritøkuni RePack. Eisini verður spennandi røð við styttri fyrilestrum undir heitinum “Lopið ut í heim – royndirnar hjá føroyskum fyritøkum”.

 

Til ber at melda til Vinnudagin á heimasíðu hjá Vinnuhúsinum.

 

Les meira um Vinnudagin 2018 herhttp://industry.fo/kunning/tiltoek/vinnudagurin-2018