Umboð fyri Portal.fo, Ting.fo, VP.fo og Suðurrás eru samd um, at neyðugt er við einum netmiðlafelag burturav.

Ætlanin er seinni at bjóða øllum netmiðlum í landinum til stovnandi og kunnandi fund.

Umboðini á fundinum í dag vóru samd um, at netmiðlarnir hava ikki nóg sterka umboðan í mun til lesaraskaran, og at ongantíð er meira neyðugt enn júst nú, at netmiðlarnir hava sítt egna felag.

Hetta skrivar VP í kvøld.

------

Vit vita, at allir miðlar hava fingið møguleikan at skriva hoyringsskriv í samband við sjálvt lógaruppskotið. Eisini Oyggjatíðindir og aðrir miðlar við, ið ætlandi annars ikki skuldu lúka treytirnar í uppskotinum.

Tað løgna við hesum seinasta hoyrings-útspælinum er, at løgtingið hevur kallað fleiri miðlar inn til hoyringar, sum annars onki hoyringsskriv hava lagt við uppskotinum. Av teimum, sum hava verið til hoyring í løgtingsnevndini eru Portal.fo, Ting.fo og Suðurrás, tó at ongin teirra hevur skrivað hoyringsskriv. 

Av teimum innkallaðu er tað bara VP, ið hevur skrivað hoyringsskriv.

Tað er ringt at taka Mentamálaráðið í álvara, og tingarbeiði virkar ikki seriøst, sigur Dan Klein, m.a. í stuttari viðmerking til løgnu gongdina í hesum málinum.

Her er linkur til lógaruppskot, og til hoyringsskriv: http://www.logting.fo/casenormal/view.gebs?menuChanged=16&type=4&committeeId=0&caseNormal.id=2540