Harumframt ber til hjá teimum, sum ikki hava bílagt sær eitt jobprát, at vitja Jobmatch í Norðurlandahúsinum og fáa eitt prát við tær 35 fyritøkurnar og stovnarnar, sum hava hug at koma á tal við lesandi og fólk við útbúgving – antin tey búgva í Føroyum ella uttanlanda.

Jobmatch starvsstevnan byrjar í dag kl. 13, tá ið Heðin Mortensen, borgarstjóri setur stevnuna. Stevnan heldur á fram til kl 19, tá ið kvøldsetan byrjar.

Á kvøldsetuni verður tónleikur við Høgni Lisberg, og kl. 19.30 verður politiskur kjakfundur, har pulsurin verður tikin á Heildarætlanini um fólkavøkstur og fólkaflyting. Luttakarar eru Jóhan Dahl, landsstýrismaður og formenn og umboð úr politisku flokkum á løgtingi. Orðstýrari verður Jón Brian Hvidtfeldt. Høvið verður hjá áhoyrarum at seta spurningar, og fundurin verður eisini sendur beinleiðis í útvarpinum hjá Kringvarpi Føroya.

Tað er ókeypis at luttaka á Jobmatch starvsstevnuni og kvøldsetuni.