Listaframsýning við Jógvan Sverrason Biskupstø á Býarbókasavninum

Framsýnignin, sum verður at síggja á Býarbókasavninum, eru eitt úrval av vatnlitsmyndum og myndum teknaðar við penni, blýanti og grafitt. Myndirnar eru allar úrslit av einum listafólkauppihaldi, sum Jógvan var á í summar, í kenda skandinaviska listafólkahúsinum í Rom, Circolo Scandinavo.

Framsýningin letur upp mikudagin, 2. oktober kl. 16, har listamaðurin eisini verður til staðar.

Framsýningin er at síggja allan oktober- og novembermánaða.