Landskassin fingið 32 mió. minni í skatti

Føroyski landskassin hevur higartil í ár fingið 32 milliónir krónur minni inn í landsskatti sammett við sama tíðarskeið í fjør. Hetta svarar til eina minking á 3,7 prosent. Tað vísur ein fesk uppgerð hjá TAKS.

Føroysku kommunurnar hava hinvegin fingið 24 milliónir krónur meira inn í kommunukassan fyrstu sjey mánaðirnar í ár sammett við sama tíðarskeið í fjør.

Uppgerðin hjá TAKS vísir eisini, at samlaða A-inntøkan higartil í ár er 4,7 % hægri enn í fjør. Ein orsøk kann vera, at Føroya Fiskavirking fór av knóranum í desember 2010, og hetta hevði við sær, at virksemið í fiskivinnuni á landi var minni fyrstu mánaðirnar í 2011. Sambært tølunum hjá ALS er arbeiðsloysið minkað eitt vet, og hetta kann eisini gera sítt til, at samlaða A-inntøkan er hækkað.

Samlaða uppgerðin hjá TAKS kann lesast her

http://www.taks.fo/documents/00728.pdf