Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Lær at gera film á Staðnum

Í komandi viku fáa ungir vestmenningar møguleika at royna seg innan filmsgerð.

Klippfisk skipar fyri intensivum skeiði í filmsgerð á Staðnum í Vestmanna mánadagin 7. november til fríggjadagin 11. november.

Skeiðið verður frá klokkan 15 til klokkan 19 hvønn dag.

Skeiðið er ætlað næmingum í framhaldsdeildini, og tað er ókeypis at luttaka.

Undirvísarar eru Eir í Ólavsstovu og Sakaris Stóra.

Melda til hjá Paula Magnussen á Staðnum, telefon 770 160 og t-post paulim@vestmanna.fo, ella á Facebook-síðuni hjá Staðnum.

Endamálið við skeiðnum er at geva luttakarunum grundleggjandi lærdóm í filmsgerð, frá tí at søgan skapast inni í høvdinum, til hon kann vísast á løriftinum. Sum luttakandi fært tú bæði teoretiska og praktiska undirvísing í filmsgerð.

Skráin fyri skeiðið verður hendan:

Mánadagin 7. november klokkan 15 til 19: Undirvísing – út at filma smáar filmuppgávur

Týsdagin 8. november klokkan 15 til 19: At finna søguna og framleiðslufyrireiking

Mikudagin 9. november klokkan 15 til 19: Fyrireiking** Hósdagin 10. november klokkan 15 til 19: Upptøkur

Fríggjadagin 11. november klokkan 15 til 19: Gera filmarnar lidnar – klipping og eftirviðgerð

Fríggjakvøldið 11. november klokkan 20: Almenn sýning av úrslitinum

Vónandi verða nógv ung í Vestmanna, sum velja at taka av hesum frálíka høvinum at fáa innlit í filmsgerð.