Jobmatch kvøldseta um fólkavøkstur
Á Jobmatch starvstevuni mánadagin í næstu viku verður kvøldseta, har útisetar og fastbúgvandi í Føroyum fara at kjakast um, hvussu fólkavøkstur kann festa røtur í føroyska samfelagnum.Kvøldsetan verður skipað í trýggjar partar. Hvør partur endar við einum pallborðskjaki við Heina í Skorini sum orðstýrara.
Fyrst fer Eydna Skaale, kandidatur í Retorikki, at leggja fram um hvussu kjakið á netmiðlunum ávirkar útisetar og teirra hug at flyta heim eftir loknan lesnað.
Síðani fer Árni Olsen, marknaðarleiðari á Bakkafrost, at greiða frá, um hvussu hann hevur skapað sítt egna starv.
At enda fer Erika Hayfield, ráðgevi í Vinnumálaráðnum, at kunna um hvørji tiltøk eru sett í verk fyri at steðga fólkafráflyting og stimbra undir fólkavøkstur.
Við pallborði sita Marita Rasmussen, Stjóri í Vinnuhúsinum, Jóan Petur Hentze, Trivnaðarstjóri í Tórshavnar kommunu, Sølvi Jespersen, leiðari av talgildu marknaðarføringini hjá Atlantic Airways og Regin Berg, formaður í MFS.
Kvøldsetan byrjar og endar við tónleiki frá BUDAM.
Jobmatch starvsstevnan verður á Østrøm mánadagin 30. desember frá kl. 13. Kvøldsetan byrjar kl. 20. Skrá fyri tiltakið sæst á www.jobmatch.fo
Skrá fyri Jobmatch kvøldsetu**
20.00 Tónleikur við BUDAM (forhøllin)
20:35 Eydna Skaale: Hvussu ávirkar tjóðardiskursur tað virðið, vit leggja í okkara land? Um hvussu tjóðardiskursurin á netinum ávirkar útisetar og teirra hug at flyta heimaftur.
20.45 Kjak –Spurningur til panelið: Hvør hevur ábyrgdina av at skapa ein positivan hugburð mótvegis Føroyum?
21.05 Árni Olsen greiðir frá sínum royndum við at skapa sítt egna starv
21.15 Kjak –Spurningur til panelið: Hvat ítøkiligt kann gerast fyri at eggjaungum at skapa sítt egna starv og/ella byrja egið virkið?
21.35 Erika Hayfield leggur fram um heildarætlanina ”Fólkafráflyting og fólkavøkstur”
21.50 Kjak –Spurningar til panelið: Hvat er næsta stig? Hvørji eru tey næstu týdningarmestu átøkini? Eru vit á veg á rætta kós?
22.15 Tónleikur við BUDAM
