Nes Kommuna fekk í februar í ár - eins og í januar - væl hægri inntøkur í kommunuskatti. Í februar í 2011 var kommunuskatturin 2.322.439 kr, meðan hann í ár er 3.158.814 kr, vøksturin er 836.375 kr ella 36,01 %.
Flestu kommunur høvdu framgongd, samanlagt er framgongdin 6,83%.
Av kommununum yvir 1000 íbúgvar, hevði Nes kommuna størsta vøksturin, nevniliga 36,01 %. Samlaði vøksturin fyri tveir teir fyrstu mánaðarnar í ár er sostatt 18,35%
Torført er tó at geva nakra ítøkuliga frágreiðing um henda stóra vøkstur. Á saltfiskavirkinum, sum P/F Vaðhorn nú rekur, er tað gleðiliga hent, at har hevur verið støðugt arbeiðið nú eina tíð, men er tað neyvan øll frágreiðingin.
Kommunan fegnast sjálvsagt um úrslitið.
Kelda: www.nes.fo