Nú verður byrjað at taka suðurendan á Tórsvølli niður.
Triðja byggistig í útbyggingini og liðugtgerðini av Tórsvølli er byrjað. Sáttmáli er gjørdur við Articon at taka áskoðaraplássini við sunnara enda niður og at gera planeringsarbeiðið.
Byggjast skal ein nýggjur bygningur á staðnum, sum m.a. skal hýsa FSF-umsitingini. Bygningurin verður boðin út í næstum og skal eftir ætlan standa liðugur seint í ár.