Semja millum Fíggjarmálaráðið og Fysioterapeutfelagið
Fíggjarmálaráðið gjørdi tann 10. november 2016 eina 2 ára semju við Fysioterapeutfelagið. Semja er um, at sáttmálin verður endurnýggjaður fyri sáttmálaskeiðið frá 1. oktober 2015 til 1. oktober 2017.
Tann 1. oktober 2015 hækkar mánaðarlønin 2,25% og tann 1. oktober 2016 hækkar lønin 1,9%. Hetta er innanfyri sama karm, sum hevur verið galdandi í samráðingunum við hini feløgini.
Partarnir hava eisini gjørt avtalu um ískoyti til §4 um, at fysioterapeutur, sum hevur lokið prógv sum praktikvegleiðari, fær 1250,- um mánaðin í viðbót tað tíðarskeiðið, hon virkar sum praktikvegleiðari. Eisini eru ymsar dagføringar gjørdar í sáttmálanum.