Føroyar lótu stuðul til seks menningarverkætlanir í 2013.
Samstarvið fevndi um verkætlanir innan heilsu, útbúgvin og at menna haldgóða fyrisiting í ávikavist Kenja, Togo, Nepal, Uganda, Etiopia og Palestina.
Tað stendur skrivað í ársfrágreiðingini fyri altjóða menningarsamstarv og neyðhjálp 2013, ið júst er almannakunngjørd.
Fleiri av verkætlanunum, ið fingu stuðul í fjør, snúgva seg um at tryggja børnum grundleggjandi skúlagongd.
Kanningar og eftirmetingar framdar av m.ø. Heimsbankanum og stórum menningarstovnum vísa, at øktu íløgurnar í útbúgving og heilsu hava givið úrslit.
Men hóast framburðurin er týðiligur, er enn langt á mál at basa fátækdømi.
Millum verkætlanirnar, ið fingu stuðul úr Føroyum í fjør, er ein umfatandi undirvísingar-verkætlan í Uganda, sum felagsskapurin Action Aid stendur fyri, og har ES-Nevndin er høvuðsstuðul.
Játtanin til menningarsamstarv var 2 milliónir krónur í fjør. Harumframt er serstøk játtan til neyðhjálp á 500.000 krónur.