OPIÐ HÚS Í ELIM Í SØLDARFIRÐI - ein hátíðarløta
Sunnudagin 06. mai verður nýrenoveraði salurin ELIM í Søldarfirði tikin í brúk, samstundis sum 10 ára føðingardagurin hjá KRISTILIGU SJÓNVARPSSTØÐINI IKTUS verður hildin.
Poul Jóhan Djurhuus
gjaranes@gmail.com
Opið hús verður frá kl.16:00 í hugnaligu nýggju hølunum í Elim. Á pallinum koma sangarar og tónleikarar at undirhalda við góðum spæli og sangi, meðan fólkið hugnar sær við drekkamunni og onkrum søtum afturvið.
Kl.18:00 verður sangmøti har Eyðun Jacobsen og aðrir koma at leiða felagssangin, og ymiskir vitnisburðar verða eisini at hoyra.
SAMKOMAN ELIM OG KRISTILIGA SJÓNVARPSSTØÐIN IKTUS bjóða øllum at vera hjartaliga vælkomin til hátíðarhaldið.