Ongin møgulig avtala millum eigarar av hummarabátum og alarar eigur at hava ávirkan á, hvussu hummarafiskiskapur verður skipaður. Hummarafiskiskapur er skipaður sambært løgtingslóg um vinnuligan fiskiskap, og alingin er skipað sambært løgtingslóg um aling av fiski v.m.
---------------
Høgni Hoydal
landsstýrismaður
S v a r
uppá
fyrispurning frá Kára P. Højgaard, løgtingsmanni í løgtingsmáli nr.
S-7/2016 viðvíkjandi hummaraloyvum og gjaldi fyri arbeiðsfrið
Fyrispurningurin var soljóðandi:
1.
Hvussu nógv
hummaraloyvi eru útskrivað seinastu 5 árini, til hvørji øki og hvussu nógv er
fiskað árliga í hvørjum øki?
2.
Kann landsstýrismaðurin
upplýsa, hvørjir hava fingið hummaraloyvi útskrivað í ár, og hvussu nógvir av
hesum hava hummarafiskiskap sum høvuðsvinnu?
3.
Er nøkur áseting um
minstamark fyri, hvussu leingi rúsurnar kunnu standa uttan at verða drignar
t.d. 2 dagar, eina viku, ein mánað ella longur?
4.
Kann tað bera til at
fáa deyðan hummara í rúsu, uttan at hesin av einhvørjari orsøk er deyður í
rúsuni?
5.
Er landsstýrismaðurin
vitandi um, at alifeløg mugu rinda stórar upphæddir til hummarafiskarar,
afturfyri at fáa arbeiðsfrið til sítt virksemi?
6. Kann landsstýrismaðurin upplýsa, um tað er lógligt hjá felag
ella persóni uttan at skjalprógva inntøkumiss at leggja trýst á alifyritøkur,
fyri at fáa pening útgoldnan afturfyri eitt lyfti um arbeiðsfrið?
¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨
Svar:
Tað er langt ímillum, at
hummaraveiða fær viðgerð á løgtingi, og tí fegnist eg um fyrispurningin frá
Kára P. Højgaard. Eg fari at taka stig til, at hummaraveiðan verður eftirmett
og kann skipast við grundarlagi í stovnsmetingum og tilmælum um mest loyvdu veiði
og bestu teknisku ásetingum um veiðiøki, reiðskap, minstustøddir o.a.
Sum víst verður á í
svarinum, er hummaraveiðan á flestu firðum minkað munandi síðani 2014/15, og
neyðugt er at fáa staðfest orsøkirnar til hetta.
Í viðmerkingunum til fyrispurningin
verður sagt, at inndrátturin av fiskiloyvum 1. januar 2018 ikki umfatar
hummaraloyvi. Hetta er ikki rætt. Sbrt. § 7b, stk. 4 í lóg um vinnuligan
fiskiskap verða øll fiskiloyvi í bólki 5 inndrigin 1. januar 2018, og harvið
eisini øll hummaraloyvi.
Til nr. 1.
Talva 1: Hummaraloyvi útskrivað seinastu 5 árini:
Øki | Tal av loyvum | ||||
| 2012/2013 | 2013/2014 | 2014/2015 | 2015/2016 | 2016/2017 |
Árnafjørður | 3 | 3 | 3 | 3 | 3 |
Borðoyarvík | 0 | 1 | 1 | 1 | 1 |
Funningsfjørður | 2 | 2 | 2 | 1 | 1 |
Hvannasund | 2 | 2 | 2 | 2 | 2 |
Norðan fyri byrgingina | 2 | 2 | 2 | 2 | 2 |
Norðan fyri | 3 | 3 | 3 | 3 | 3 |
Sunnan fyri | 33 | 21 | 21 | 21 | 20 |
Tilsamans | 45 | 34 | 34 | 33 | 32 |
Talva 2: Fiskað árliga (kg) í hvørjum øki seinastu 5
árini:
Øki | Tíðarskeið | ||||
| 2012/2013 | 2013/2014 | 2014/2015 | 2015/2016 | 2016/2017[1] |
Árnafjørður | 1.526 | 1.430 | 750 | 337 | 30 |
Borðoyarvík | 0 | 45 | 69 | 0 | 0 |
Funningsfjørður | 828 | 3.435 | 3.989 | 0 | 0 |
Hvannasund | 4.003 | 4.316 | 2.959 | 1.840 | 0 |
Norðan fyri | 747 | 0 | 477 | 701 | 231 |
Norðan fyri | 3.629 | 3.570 | 3.389 | 1.088 | 0 |
Sunnan fyri | 31.722 | 30.852
| 29.914 | 16.448 | 1.183 |
Tilsamans: | 42.455 | 43.648 | 41.547 | 20.414 | 1.444 |
Til
nr. 2.
Niðanfyri er talva fyri árið 2016/2017 fyri, hvør hevur fingið
hummaraloyvi útskrivað. Tað finnast tó ikki upplýsingar um, hvussu nógv av
hesum hava hummarafiskiskap sum høvuðsvinnu.
Talva 3: Hummaraloyvi útskrivað 2016/2017:
Øki | Árnafjørður | Borðoyarvík | Funningsfirði | Hvannasundi | Norðan fyri | Norðanfyri | Sunnan fyri |
Navn á báti, hvørs eigari hevur fingið | Ingibjørg | Sigrun | Irdi | Neshamar | Benjamin | Sjógvormurin | Antarfossur |
Ingibjørg |
|
| Neshamar | Svartaberg | Snekkjusker | Áarskarð | |
Joan |
|
|
|
| Snekkjusker | Advokaturin | |
|
|
|
|
|
| Charlotta | |
|
|
|
|
|
| Daimi | |
|
|
|
|
|
| Drangur | |
|
|
|
|
|
| Elin C | |
|
|
|
|
|
| Eyðdis | |
|
|
|
|
|
| Havfrúgvin | |
|
|
|
|
|
| Joan II | |
|
|
|
|
|
| Katrin | |
|
|
|
|
|
| Klubbin | |
|
|
|
|
|
| Leititangi | |
|
|
|
|
|
| Neptun | |
|
|
|
|
|
| Ørgin | |
|
|
|
|
|
| Sjóberið | |
|
|
|
|
|
| Sjódrangur | |
|
|
|
|
|
| Súlan | |
|
|
|
|
|
| Ternan | |
|
|
|
|
|
| Trillan | |
|
|
|
|
|
| Vónin |
Til nr. 3.
Eingin áseting er um, hvussu leingi rúsurnar kunnu standa,
uttan at verða drignar. Sum nevnt omanfyri, fari eg at taka stig til at
eftirmeta og broyta hesar og aðrar reglur fyri hummarafiskiskap.
Til nr. 4.
Tá
ið deyður hummari er í hummararúsu, er torført at hugsa sær annað enn, at
hummarin er farin inn í rúsuna sjálvur og síðan er deyður í rúsuni, av hvørji
orsøk tað enn kann vera.
Til nr. 5.
Landsstýrismaðurin
hevur ikki aðra vitan um hetta enn tað, ið hevur verið frammi í fjølmiðlunum.
Til nr. 6.
Ongin møgulig avtala millum eigarar av hummarabátum og
alarar eigur at hava ávirkan á, hvussu hummarafiskiskapur verður skipaður. Hummarafiskiskapur
er skipaður sambært løgtingslóg um vinnuligan fiskiskap, og alingin er skipað
sambært løgtingslóg um aling av fiski v.m. Myndugleikarnir, sum umsita
hummarafiskiskap og aling, eru ikki bundnir av møguligari avtalu, sum er gjørd
millum eigarar av hummarabátum og alarar. Møguligar avtalur hava ikki týdning
fyri, hvussu lóggáva ella myndugleikar skipa og viðgera hesi øki.
Tær møguligu avtalur, ið hava verið umrøddar í
fjølmiðlunum, eru ikki fevndar av ásetingum í lóg um vinnuligan fiskiskap ella
lóg um aling av fiski v.m. Hóast slíkar avtalur ikki eru brot á
fiskivinnulóggávuna ella alilóggávuna, so er tað ikki rætt, at privatir gera
avtalu sínámillum um virksemi, sum er skipað við almennari lóggávu. Lóggáva og
umsiting eigur at vera so greið og so skynsom, at slíkt ikki kemur fyri.
Málið vísir, at tørvur er á betri samskipan av ymiskum
virksemi á sjógvi. Og við betri vitan, um hvar hummarafiskiskapur fer fram,
vóni eg, at tað í størri mun kann vera gjørligt at samskipa virksemið soleiðis,
at alarar og hummarafiskarar kunnu virka uttan at tarna hvør øðrum.
Fiskimálaráðið,
7. november 2016
Høgni Hoydal (sign.)
landsstýrismaður