Maskinmeistarafelagið byrjar samráðingarnar

Fríggjadagin byrjaði Maskinmeistarafelagið samráðingar bæði við Reiðarafelagið, og við Fíggjarmálaráðið. Avtalan er at partarnir skulu møtast aftur, ávikavist 12. mars og 19. mars.
 

Føroya Reiðarafelag og manningafeløgini hittust fríggjadagin á fyrsta samráðingarfundi um nýggjan sáttmála fyri manning við fiskiskipum.

Partarnir handaðu krøvini og greiddu í stuttum frá teimum.

Avtalað varð at hittast aftur hósdagin 12. mars.

Fíggjarmálaráðið og Maskinmeistarafelagið hittust í gjár á fyrsta samráðingarfundi um nýggjan sáttmála fyri maskinmeistarar, sum starvast hjá tí almenna, t. v. s. Strandfaraskipum landsins, havrannsóknarskipunum, Vørn og í størvum á landi.

Partarnir handaðu krøvini og greiddi í stuttum frá teimum.

Fundarrøð er avtalað og partarnir hittast aftur 19. mars.