Stutt undan ídnaðarferiuna hevði Føroya Handverksmeistarafelag aðalfund. Fyri vali stóðu Petur Frank Joensen og Sjúrður Holm. Báðir vóru afturvaldir.
Á fyrsta nevndarfundi eftir aðalfundin skipaði nevndin í Føroya Handverksmeistarafelag seg á sama hátt sum árið fyri við Magnusi Magnussen sum formanni og Petur Frank Joensen sum næstformanni. Í nevndini sita eisini Dávur Kunoy Høgnason, Jens Kristian Haraldsen og Sjúrður Holm.
Føroya Handverksmeistarafelag varð stovnað í 1957 sum eitt landsfelag fyri handverksmeistarar. Felagið er meginfelag fyri fimm lokal feløg, sum eru:
Havnar Handverksmeistarafelag
Meistarafelagið í Klaksvík
Eysturoyar Handverksmeistarafelag
Suðuroyar Meistarafelag
Vága Handverksmeistarafelag