Magni Arge 13 minuttir í donskum sjónvarpi
Sjónvarpsstøðin DK4 hevur tikið upp 13 minuttir við Magna Arge, fólkatingsmanni hjá Tjóðveldi, har hann greiðir frá politiska virkseminum hjá flokkinum og viðurskiftunum millum Føroyar og Danmark.
Tíðindaskriv:
Hann sigur m.a., at Tjóðveldi er ein fræls føroysk rødd í fólkatinginum, sum ikki vil binda seg til ávisan danskan flokk, men samstarvar breitt í fólkatinginum um mál og viðurskifti, sum hava týdning fyri Føroyar.
Sendingin varð tikin upp fríggjadagin og verður send seinni í vikuni á DK4, men hon sæst longu nú á YouTube og hoyrist á DK4 podcast.
DK4 er ein privat sjónvarpsstøð, sum framleiðir og sendir public service-tilfar.