Hvítt pulvur men onki krút

http://oyggjatidindi.com/arkiv.html

 Týsdagin kom løgreglan aftur oman úr Mjørkadali, dragsandi við Jóannes í Dali. Hesaferð skuldi bumbumaðurin” hava forlongt varðhaldsfongslingina í fýra vikur aftrat, men tað vildi Føroya rættur tó ikki uttan víðari. Jóannes í Dali fekk longt varðhaldsfongslingina, men rætturin vildi ikki longur forða manninum í at fáa vitjan ella geva honum forboð at samskifta skrivligt.

Men ákæruvaldið vil framvegis hava mannin avbyrgdan, so samstundis, sum ákæruvaldið hevur kært avgerðina um størri frælsi, bleiv maðurin í hevnusøku fluttur av landinum mikumorgunin, klokkan 07:00. Hann skal sita í Vestre Fængsel.

Hóast Jóannes í Dali, er varðhaldsfongslaður fyri dupult afturlætnum hurðum. Tað merkir, at málið skuldi metast at vera sera álvarsamt, og at onki mátti leka út, sambært ákæranum, Linde Hasselberg, sum heldur ikki vildi avdúka hvør verjin hjá manninum var.

Linda Hasselberg, ákæri, hevur ikki spart uppá grova retorikkin. Hon hevur samanborið støðuna hjá Jóannes í Dali, við hana hjá 25 ára gamla Lors Doukaev, sum hevði eitt bein, og kom úr Tjetjenien. Í Danmark varð maðurin av tilvild avdúkaður, sum terroristur, tá ein bumba brast í úrtíð.

Tá varðhaldsfongslingin ikki longur heldur, verður terroristurin, Lors Doukaev, brúktur at grundgeva við, at Jóannes í Dali, er til vanda fyri onnur, og tí má haldast inni fyri einhvønn prís, tó at annars onki hongur saman í skuldetingini í móti Dala´manninum.

Tað er tað reina Hexia De Trick hjá Walt Disney.

Terror-pakkin hjá ákæruvaldinum í móti Jóannes í Dali, skrædnaði.

- Har var hvítt pulvur, men onki vandamikið krút.

Greinin kann lesast við at keypa blaðið frá 26. august 2011 í blaðskipan okkara.

Linkur omanfyri.