Í døgunum 15. og 16. oktober er stórur kunningarfundur í Brussel um karmarnar og innihaldið í nýggju granskingarskránni Horizon 2020. Á fundinum eru umboð fyri øll luttakaralondini í ES-granskingarsamstarvinum og ein røð av embætisfólki úr ES, sum leggja fram og svara spurningum í hópatali.
Tað eru National Coordinator og Legal & Financial NCP umboðini fyri londini eru á fundinum. Kristianna Sjóvará, ráðgevi í Mentamálaráðnum, og Annika Sølvará, stjóri í Granskingarráðnum, umboða Føroyar.
Horizon 2020 fer formliga í gongd 1.1.2014, men longu frá endanum av oktober verða kunningardagar í ymsu londunum um nýggju skipanina.
ES og Føroyar hittast á fundi í desember um framhaldandi samstarvið. Væntandi verður føroyski kunningardagurin um Horizon 2020 í seinnu helvt av januar 2014.
Seinni fer at bera til at hyggja at bandaðari upptøku av fundinum.
15. oktober 2013: https://scic.ec.europa.eu/streaming/index.php?es=2&sessionno=28659414dab9eca0219dd592b8136434
16. oktober 2013: https://scic.ec.europa.eu/streaming/index.php?es=2&sessionno=2f364281f619584f24f63a794a12e354
Les um Horizon 2020 her: http://ec.europa.eu/research/horizon2020/index_en.cfm