Hestsfólk á havnarferð

Í morgun komu gestir úr Hesti til Havnar at vitja. Talan var um pensjónistar av oynni, sum Heilræði og borgarstjórin høvdu boðið inn at vitja býin og síggja nøkur av mongu tilboðunum. Vitjað varð í Fimi, á Fornminnissavninum og í Tilhaldinum, eins og borgarstjórin bjóðaði ein bita í Móttøkuhúsinum, har eisini varð hugt at list. Ferðalagið endaði niðri í hugnaligu hølunum hjá Katrinu Christiansen, áðrenn farið varð aftur á Gomlurætt. Her eru tey avmyndað inni í Móttøkuhúsinum.