Aðalfundurin hjá Heim & Skúla verður 3. mai kl. 13 til 16. Fundurin verður í Kongagøtu, hjá Kommunuskúlanum í Havn.
Høvuðsmálini á aðalfundinum eru viðgerð og støðutakan til viðtøkur og kjak framtíðar mál fyri felagið.
Eisini verður framløga og kjak á skránni. Umboð fyri Stranda Skúla koma at greiða frá teirra royndum við at brúka teldlar í undirvísinigini. M.a. verður tosað um, hví skúlin valdi at fara í gongd við hesa verkætlan, hvussu verkætlanin koyrir í dag og ein meting av hvussu skipanin hevur roynst.
Aftaná verður kjak um líknandi royndir og annars um talgilding av skúlanum sum heild, ikki minst í ljósinum av Landsroyndunum, sum vóru avlýstar í vikuni.
Aðalfundurin er bert fyri skúlastýrislimir, meðan seinni partur er opin fyri øllum áhugaðum.
Aðalfundurin
Val av fundarstjóra og fundarskrivara
Góðkenning av fundarskrá
Ársfrágreiðing frá nevndini
Uppskot til viðtøkur til samtyktar
Framløga av ársroknskapi til góðkenningar
Framtíðar mál hjá felagnum
Val av nevnd
Ymiskt
Steðgur
Framløga og kjak (umleið kl. 14.30)
Umboð fyri Stranda Skúla greiða frá um verkætlan við teldlum í undirvísingini
Kjak um teldlar og um talgilding av skúlunum sum heild.
Fundurin endar í seinasta lagi kl. 16.